رائيٽرس اينڊ ريڊرس فورم خيرپور پاران سچل آڊيٽوريم ۾ سنڌ جي برک اديب ۽ شاعر مختيار ملڪ جي جنم ڏينهن جي موقعي تي کيس هڪ شاندار۽ يادگار ادبي رهاڻ رچائي وئي جنهن ۾ شاه لطيف يونيورسٽي خيرپور جو وائيس چانسلر ڊاڪٽر خليل احمد ابوپوٽوسينئر اديب تاج جويو ادل سومرو ڊاڪٽر اعجاز سمون ڊاڪٽر ابراهيم کرل ڊاڪٽرمهر خادم پروفيسر برڪت بلوچ قربان منگي امر اقبال ڊاڪٽر انور پرديسي حبدار جاگيراڻي ۽ مختلفن ضلعن جي ڊپٽي ڪمشنر ۽ ايس ايس پي صاحبان پڻ شرڪت ڪئي مختيارملڪ صاحب جي فيملي مان سندس ڀاءُ ملڪ اقبال انجنيئر امتياز ملڪ سندس پٽ سنگهار ملڪ ايس ايس پي سکر ڀائٽيو ڊي آءَ جي ڪراچي ڊاڪٽر فرخ ملڪ کانسواءَ خيرپور جي علمي ادبي ۽ سماجي شخصيتن کان سواءِ پاڪ سوچ ميڊيا گروپ جي ٽيم ذوالفقار سولنگي ۽ ٻين تمام وڏي انگ ۾ شرڪت ڪئي. فورم جي ڪوآڊينيٽر انجنيئر مظهرالدين شيخ آيل مهمانن جي آجيان ڪئي . پروگرام ۾ آيل مهمانن کي يادگار شيلڊون پڻ ڏنيون ويون آخر ۾ مشهور فنڪاره صنم مارئي پنهنجي خوبصورت آواز سان سموري هال ۾ ويٺل ماڻهن کي جهومائي ڇڏيو. ائين هي يادگار پروگرام رات ٻه وڳي پنهنجي پڄاڻيءَ تي پهتو.
