فٽبال ورلڊ ڪپ جي پري ڪوارٽر فائنل ۾ پرتگال سوئٽزرلينڊ کي هارائي ڇڏيو

قطر: (اربع: 07 ڊسمبر 2022ع) قطر ۾ جاري فيفا ورلڊ ڪپ جا دلچسپ ۽ سخت مقابلا جاري آهن.
گذريل ڏينهن ميگا ايونٽ جي پري ڪوارٽر فائنل مئچ ۾ رونالڊو جي ٽيم پرُتگال سوئٽزرلينڊ کي بدترين شڪست ڏئي ڪوارٽر فائنل ۾ پهچي وئي آهي.
ڪپتان رونالڊو کان بنا ميدان تي لهندڙ پرتگال جي ٽيم هڪ گول جي مقابلي ۾ 6 گولن تان مخالف ٽيم کي شڪست ڏئي ميدان ماريو.
ان کان اڳ پري ڪوارٽر فائنل ميچ ۾ مراڪش سخت مقابلي بعد پئنالٽي ڪڪس تي اڳوڻي عالمي چيمپيئن کي شڪست ڏئي ڪوارٽر فائنل ۾ جڳهه پڪي ڪري ورتي هئي.
جنهن بعد ڪوارٽر فائنل ۾ پرتگال ۽ مراڪش جون ٽيمون هڪٻئي سان مهاڏو اٽڪائينديون.

• شيئر