ڪراچيءَ کان ڪشمور تائين سنڌ ثقافتي رنگن سان رڱجي وئي

 سنڌ اڄ ثقافتي رنگن سان رڱجي وئي، ڪراچي سميت سڄي سنڌ ۾ اڄ ثقافتي ڏهاڙو ملهايو پيو وڃي پا ڪ سوچ ميڊيا گروپ جي سڏ تي اڄ سڄي سنڌ ۾ثقافتي تقريبون رٿيل آھن. جڏهن ته ثقافتي ريليون پڻ ڪڍيون وينديون.
ڪراچي ۾   مک ثقافتي تقريب پريس ڪلب ٻاهران منجهند 12وڳي کان رات 8 وڳي تائين جاري رهندي، جنهن ۾ ناليوارا فنڪار سرن جي ورکا ڪندا.
جڏهن ته حيدرآباد، سکر، ميرپورخاص، نواب شاهه، لاڙڪاڻو، دادو،قمبر، جيڪب آباد، شڪارپور، ڪشمور، گهوٽڪي، خيرپور، نوشهرو فيروز، مٽياري، سانگهڙ، عمرڪوٽ، ٿرپرڪر، بدين، ٺٽو، ٽنڊو محمد خان، ٽنڊو الهيار ۽ ڄام شورو ضلعن ۾ اڄ ثقافتي ريليون ڪڍيون وينديون، جن ۾ قومي گيتن تي رقص ڪيو ويندو.
جڏهن ته مچ ڪچهريون ۽ ثقافتي جلسا پڻ منعقد ٿيندا، جن ۾ سياسي، سماجي تنظيمن جا ڪارڪن ۽ عام شهري شرڪت ڪندا.