راولپنڊي (ويب ڊيسڪ) جنرل عاصم منير پاڪ فوج جي 17ھين سربراھ جي ڪمان سنڀالي ورتي آھي
پاڪ فوج ۾ ڪمان جي تبديلي جي تقريب جي ايڇ ڪيو ۾ جاري آھي، رٽائرڊ ٿيندڙ جنرل قمر جاويد باجوا ۽ نئين آرمي چيف جنرل عاصم منير پھرين شھيدن جي يادگار تي حاضري ڏني، جتي شھيدن جي يادگار تي گل چاڙھيا ۽ شھيدن جي مغفرت لاءِ دعا گھري
جي ايڇ ڪيو ۾ منعقد ٿيندڙ تقريب ۾ رٽائرڊ ٿيندڙ آرمي چيف جنرل قمرجاويد باجوا آرمي ڪمان جي علامت سمجھي ويندڙ ملاڪا اسٽڪ اعزازي شمشير يافتا جنرل سيد عاصم منير جي حوالي ڪئي ۽ جنرل عاصم منير ان ڇڙي کي ھٿ ۾ کڻندي پاڪستان آرمي جي ڪمانڊ سنڀاليندڙ 17 ھون آرمي چيف ٿي ويو آھي
آرمي چيف جنرل عاصم منير ڪيريئر تي ھڪ نظر!
نئين آرمي چيف لاءِ نامزد ليفٽيننٽ جنرل عاصم منير منگلا ٽريننگ اسڪول مان پاس آئوٽ ٿيو، فرنٽيئر فورس رجمينٽ مان ڪميشن پاس ڪئي
آرمي چيف جنرل عاصم منير رٽائرڊ ٿيندڙ آرمي چيف جنرل قمر جاويد باجوا جي ماتحت برگيڊيئر طور ناردرن ايرياز ۾ فوج جي ڪمان سنڀالي
2017 ۾ آرمي چيف جنرل عاصم منير کي ڊي جي ملٽري انٽيليجنس مقرر ڪيو ويو، آڪٽوبر 2018 ۾ کيس ڊي جي آءِ ايس آءِ مقرر ڪيو ويو
آءِ ايس آءِ جي مختصر عرصي تائين قيادت بعد جنرل عاصم منير کي ڪور ڪمانڊر گوجرانوالا مقرر ڪيو ويو
ٻن سالن بعد جنرل عاصم منير کي جي ايڇ ڪيو ۾ ڪوارٽر ماسٽر جنرل مقرر ڪيو ويو، جنرل عاصم منير اڄ به ساڳئي عهدي تي ڪم ڪري رهيو آهي
ليفٽيننٽ جنرل عاصم منير پهريون آرمي چيف آھي جنهن آءِ ايس آءِ ۽ ملٽري انٽيليجنس ٻنهي ۾ ڪم ڪيو آهي
عاصم منير پاڪ فوج جو پهريون شمشير يافته آرمي چيف بڻجي ويو آھي
