عمران خان جي توشه خانه ريفرنس ۾ نااهلي بابت اليڪشن ڪميشن جي تفصيلي فيصلي جا نقطا سامهون اچي ويا
ذريعن موجب 36 صفحن تي ٻڌل فيصلي ۾ لکيل آهي ته عمران خان آرٽيڪل 63 ون تحت نااهل ٿيو آهي، هو اسيمبلي ميمبر ناهي رهيو، سندس سيٽ خالي قرار ڏني وڃي ٿي
عمران خان توشه خانه مان ورتل تحفظن جا تفصيل ڄاڻي واڻي لڪايا، هن اُها ڄاڻ به نه ڏني، جنهن جي عدم فراهمي تي سنگين سزا ملندي آهي
عمران خان تحفن جي منتقلي جو رڪارڊ مهيا نه ڪيو، هُن اهو نه ٻڌايو ته تحفا ڪنهن کي ۽ ڪڏهن ڏنا، اليڪشن ايڪٽ 2017ع جي ڀڃڪڙي ۽ بدديانتي تي عمران خان خلاف ڪارروائي جو حڪم، اليڪشن ڪميشن گذريل ڏينهن توشه خانه ريفرنس تي فيصلو جاري ڪندي عمران خان کي نااهل قرار ڏنو هو
