ڊر راجا قريشي سنڌ ترقي پسند پارٽي پاران ”اچو تہ سنڌ سنواريون، جاڳيرداري مردہ باد، انقلاب زندہ باد“ جي اعنوان ھيٺ جاڳرتا مھم جو آغاز سنڌ جي تاريخي شھر ٺٽي مان شروع ڪيو ويو، ھزارين ماڻھن پاران جاڳيرداري نظام سنڌ لا۽ خطرو قرار، ٺٽي جي جڊيشل گرائونڊ ۾ ٿيل جلسي ۾ ضلعي ٺٽي جي مرڪزي شھرن ٺٽو، مڪلي، گھارو، ڪيٽي بندر، جھرڪ، ٽنڊو حافظ شاھ، سميت ننڍن وڏن شھرن ۽ ڳوٺن مان ھزارين عورتن، مردن، نوجوانن ۽ ٻارڙن جي شرڪت ڪئي، جلسي جي موقعي تي شھرن کي پارٽي جي جھنڊن ۽ بينرن سان سينگاريو ويو ايندڙ قافلن لا۽ مختلف شھرن ۾ استقبالي ڪئمپون لڳايون ويون، ھر طرف جاڳيرداري نظام نامنظور جا نعرہ ھنيا ويا. ان موقعي تي جلسي کي صدارتي خطاب ڪندي سنڌ ترقي پسند پارٽي جي سربراھ ڊاڪٽر قادر مگسي چيو تہ سنڌ مٿان مسلط ڪيل جاڳيردار طبقي خلاف نوجوان ۽ پورھيت جاڳرتا مھم جو حصو آھن ۽ سڄي سنڌ ۾ پرپور نموني سان مھم ھلائي ويندي، ھن چيو تہ سنڌ جي مفاد پرست جاڳيردارن مان جند ڇڏائي سنڌ جي اقتدار اعلي تي پورھيت ۽ نوجوانن کي پھچائنداسين ڇو جو جاڳيرداري نظام سنڌ لا۽ ناسور بڻيل آھي جن سياست کي ڪاروبار بنائي سنڌ کي لٽڻ ڦرڻ کان سوا۽ ڪجھ ناھي ڪيو. ھن چيو تہ سنڌ ترقي پسند پارٽي سنڌ ۾ عزت، آجپو ۽ خوشحالي چاھي ٿي، ۽ سنڌ جا ڪروڙين ماڻھون جاڳيرداري نظام خلاف نفرت جو اظھار ڪري چڪا آھن ڇو جو ھو پنھنجي ايندڙ نسل کي خوشحال ۽ عزت ڀريو ڏسڻ چاھين ٿا، ھن چيو تہ 75 سالن کان ٽولن جي صورت ۾ پيدا ڪيل جاڳيردارن سنڌ کي تباھ ڪيو، ٺٽو سنڌ جي گاڌي جو ھنڌ ھو جيڪو اڄ حڪمرانن گندگي جو ڍير بنائي ڇڏيو آھي، ھن چيو تہ پي ڊي ايم کي سڄي سنڌ مان ٻيو ڪير نہ نہ مليو جو گورنر لا۽ ڪامران تسوري کي مقرر ڪيو ويو ٺٽي سميت سڄي سنڌ کي ھٿرادو ٻوڙيو ويو آھي ۽ پاڻ مليڪيتون ٺاھڻ لا۽ فنڊن لا۽ رڙيون پيا ڪن پر قيامت جي گھڙي سنڌي بي سھارا ھئا ۽ سرڪاري امدادون سندن گدامن ۾ سڙي رھيا آھن ۽ مسڪين روڊن تي دربدر نظر پيا اچن. ھن چيو تہ ڪوبہ حڪمران اسان تي احسان ڪونہ پيو ڪري ھو پاڻ اوھان جي نالن تي فنڊ وٺي رھيا آھن، انڪم سپورٽ جي پئسن تي پنائڻ بجاءِ کين ڪاروباري وسيلا ڏيارين تہ ھو سڄي ڄمار عزت سان گذاري سگھن پر حڪمران اھو چاھين ئي ڪونہ پيا، اسان جون زمينون ڳڙڪايون پيون وڃن 5 ھزارن ۾ پنھنجن کان وٺي 5 ڪروڙن ۾ افغانين ۽ بحريا ٽائون کي ڏنيون پيو وڃن، بک بدحالي نصيب ناھي ھي ھٿرادو اسان جي ڳچھي ۾ وڌي ويئي آھي، ھن چيو تہ سنڌ دردن جي ڪاڻي بڻجي ويئي شاھوڪار ڌرتي جا ماڻھون بک پيا مرن، ساحلي پٽي ۽ ڪوھستاني پٽي سميت سڄي سنڌ تي قبضو ڪيو پيو وڃي، اسان کي خيرات نہ روزگار کپي. جلسي کي نثار ڪيريو، سيد جلال شاھ، ڊاڪٽر سومار مڱريو، امتياز سمون، شاھنواز سيال، حورالعين جماري، اقبال حاجاڻو، ذيشان جسڪاڻي ۽ ٻين خطاب ڪيو. جڏھن تہ قومي شاعري ۽ ٽيبلو پيش ڪيا ويا،
ڊر راجا قريشي سنڌ ترقي پسند پارٽي پاران ”اچو تہ سنڌ سنواريون، جاڳيرداري مردہ باد، انقلاب زندہ باد“ جي اعنوان ھيٺ جاڳرتا مھم جو آغاز سنڌ جي تاريخي شھر ٺٽي مان شروع ڪيو ويو،
