نجمن تاجران خيرپور جي صدر لالا غفار شيخ جي ڌڙي جا مک عهديدار چيئرمين سيد عبدالله شاهه ، سينئر وائيس چيئرمين بشير شيخ ، نائب صدر عبالحميد سومرو ،،مرڪزي اڳواڻ خواجه نظير، مکي هري مل ،شنڪر لال سميت واپارين جي اڪثريت انجمن تاجران خيرپور جي صدر عاشق حسين عباسي ۽ سندس ٽيم تي اعتماد ڪندي عاشق عباسي گروپ ۾ شموليت جو اعلان ڪري ڇڏيو

نجمن تاجران خيرپور جي صدر لالا غفار شيخ جي ڌڙي جا مک عهديدار چيئرمين سيد عبدالله شاهه ، سينئر وائيس چيئرمين بشير شيخ ، نائب صدر عبالحميد سومرو ،،مرڪزي اڳواڻ خواجه نظير، مکي هري مل ،شنڪر لال سميت واپارين جي اڪثريت انجمن تاجران خيرپور جي صدر عاشق حسين عباسي ۽ سندس ٽيم تي اعتماد ڪندي عاشق عباسي گروپ ۾ شموليت جو اعلان ڪري ڇڏيو ، هن سلسلي ۾ سيد عبدالله شاه ، بشير شيخ، مکي هري مل عاشق عباسي سان گڏجي پريس ڪانفرنس ڪندي چيو ته لالا غفار شيخ کي ڪجهه سال اڳ انجمن تاجران جو صدر بڻايو هو پر لالا غفار شيخ واپارين جا مسئلا حل ڪرڻ بجاءِ رڳو ذاتي مفاد ۽ انجمن تاجران کي فقط سياسي طور استعمال ڪيو، غفار شيخ واپارين کي دلاسا ڏيندو رهيو، پر تاجرن لاءِ ڪوبه ڪم ناهي ڪيو لالا غفار پاران انجمن تاجران کي ذاتي مفادن ۾ استعمال ڪرڻ کانپوءِ اسان ساڻس تنظيمي ناتو ٽوڙي عاشق حسين عباسي سان اتحاد جو اعلان ڪريون ٿا، هاڻي اسان جو لالا غفار شيخ سان ڪنهن به قسم جو واسطو ناهي ۽ نه رهندو،اسان خيرپورجي واپارين جي مفاد لاءِ ڪم ڪنداسين، ان موقعي تي انجمن تاجران خيرپور جي صدر عاشق حسين عباسي خطاب ڪندي چيو ته اسان حاجي عبدا لله شاه سندس ٽيم جي دوستن کي اسان سان اتحاد ڪرڻ تي ڀليڪار ڪريون ٿا، عاشق عباسي چيو ته سيد عبدالله شاهه ، بشير شيخ سميت اتحاد ۾ شامل ٿيندڙ واپاري پروفيشنل تاجر آهن، جن جي شامل ٿيڻ سان عاشق عباسي گروپ وڌيڪ مضبوط ٿيندو، ۽ اهو فيصلو واپارين جي حق ۾ بهتر نتيجا ڏيندو ، هن چيو ته اسان هميشه بنا فرق جي خيرپور جي واپارين جي خدمت ڪئي آهي ڏينهن هجي رات هجي واپارين جي مفادن لاءِ اڳڀرو هوندا آهيون،جنهن ڪري اسان نون شامل ٿيل دوستن کي پاڻ سان گڏ کڻي هلنداسين،ان موقعي تي لالا فرقان شيخ، مظهر الدين شيخ،مظفر حسين عباسي،محمد عمر ڌاريجو، مظفر حسين چنا، گرمک مل،حنيف عباسي، عبدالرحمان راجپوت،مکي سترام،عبدالمجيد شِيخ،محمد رمضان ،محمد علي عباسي،غلام رضا راجپوت،سيد ڪوثر شاه،موبائل مارڪيٽ جو صدر علي ڦلپوٽو، محمد علي لاشاري، صحافي شاهد نواز سيال، شاهنواز ڪلهوڙو، ارشد راجپوت، ۽ ٻيا موجود هئا،