سيتاروڊ ۾ چوماسي جي برساتن تباهي مچائي ڇڏي ڪيترائي گهر ڪري پٽ چونڊيل نمائندن سميت ڪنهن به پرگهور نه لڌي.

(سيتا روڊ رپورٽ سيف الله سولنگي) مسلسل برساتن ۽ طوفانن سبب جتي سيتا روڊ جي مختلف وارڊن ۾ ڪيترائي گهر ڪري پٽ ٿي ويا آهن اتي ئي وارڊ 3 سومرا محلا ۾ منور جانوري ۽ 4 جانوري محلہ ۾ به ٻن پورهيتن جا گهر ڪري پٽ ٿي ويا آهن جنهن ۾ تازو ڪينسر وگهي فوت ٿيندڙ پورھيت عبدالمجيد جانوري ۽ هوٽل جو مزدور عارب جانوري شامل آهن. غريب پورهيتن ميڊيا سان ڳالهائيندي ٻڌايو ته جتي مهانگائي جي طوفان گذرسفر مشڪل بڻائي ڇڏيو آهي اتي ئي گهر ڊهي پوڻ سبب اهنجن ۾ اضافو ٿي ويو آهي. هنن وڌيڪ ڇونڊيل نمائندن سميت وس وارن ۽ حڪومت سنڌ کان مطالبو ڪيو آهي ته گهر ڊهي وڃڻ سبب کليل آسمان هيٺ ويٺا آهيون،گهر ٻيهر تعمير ڪرائي ڏنو وڃي ته جيئن در در ٺوڪر کائڻ کان بچي سگهجي.