سکر (رپورٽ ذوالفقار سولنگي) سکر ۾ ايم ڪيو ايم پاڪستان طرفان يوسي نمبر 4 جيئي شاه ايوب گيٽ يونٽ ڪميٽي کان اميدوارن صابر علي مغل چيئرمين، وزارت حسين سيال وائيس چيئرمين، وارڊ نمبر 1 مان محمد يونس شيراني ، وارڊ نمبر 2 مان محمد اسمائيل شيخ، وارڊ نمبر 3 مان غلام علي گڏاڻي بلوچ، ۽ وارڊ نمبر 4 مان عبدالله انصاري کي اليڪشن جي لاءِ نامزد ڪيو ويو، گزريل ڏينهن سعيد احمد قريشي جي صدارت هيٺ سندس جي رهائش گاه منور مسجد ايڪسائيز آفيس تي هڪ اجلاس منعقد ٿي گزريو، اجلاس ۾ محمد هارون راجپوت چيئرمين ميواتي ويلفيئر ايسوسي ايشن سميت علائقي واسين وڏي انگ ۾ شرڪت ڪئي، ان موقعي تي مهمانن جو شاندار استقبال ڪيو ويو ۽ علائقي جي معززين مڪمل حمايت جي خاطري ڪرائي. ان موقعي تي اجلاس سان خطاب ڪندي سعيد احمد قريشي جو چوڻ هو ته اسان جي علائقي ۾ منشيات جوئا جا اڏا سري عام هلي رهيا آهن،جن کي فوري روڪڻ گھرجي ان جا اثر اسان جي نوجوان نسل تي پئجي سگھن ٿا، هن چيو ته ايم ڪيو ايم اليڪشن کي وڏي اڪثريت سان ڪاميابي ماڻيندي. ڇو جو ايم ڪيو ايم سکر جي عوام لاءِ ڪافي ڪم ڪرايا آهن. ايم ڪيو ايم عوامي پارٽي آهي. جنهن جو پاڙون عوام جي دلين ۾ آهن. سعيد احمد قريشي جو وڌيڪ چوڻ هو ته اسان جا دروازا عوام جي لاءِ هر وقت کليل آهن، پان پراگ جوئا، گٽڪا ۽ مٽڪا گيم نوجوان نسل کي تباهي ڪناري پهچائي رهي آهي، جنهن جي جلد روڪڻ گھرجي ٻئي صورت ۾ اسان هائي ڪورٽ سان رجوع ڪندا سين.
