سکر ۾ شديد گرمي، مسجدن ۾ اعلان، شهرين کي گھرن تائين محدود رهڻ جي صلاح، ٿڌين شين جي اسٽالن تي رش

سکر(رپورٽر) سکر ۾ شديد گرمي، مسجدن ۾ اعلان، شهرين کي گھرن تائين محدود رهڻ جي صلاح، ٿڌين شين جي اسٽالن تي رش، شھري وھنجڻ لاء درياء ۽ ڪئنالن رخ. خبرموجب سکر شهر ۽ آس پاس وارن علائقن ۾ گرمي پد 48 ڊگري تائين پهچي ويو آهي، سکر شهر ۾ گرمي ۾ اضافي کانپوءِ مسجدن ۾ اعلان ڪري شهرين کي صبح جو 12هين کان منجھند جو 4 وڳي تائين گھرن ۾ ئي محدود رهڻ ۽ غير ضروري ڪمن سان ٻاهر نه وڃڻ جو صلاحون ڏنيون پيون وڃن. سکر شهر ۽ ڀرپاسي وارن علائقن ۾ گرمي سبب سکر جي سول اسپتال ۽ ٻين سرڪاري اسپتالن ۾ هيٽ اسٽروڪ سينٽر پڻ قائم ڪيا ويا آهن. ٻي طرف سکر شهر ۾ گرمي ۾ اضافي کانپوءِ ٿڌين شين جي وڪري ۾ اضافو اچي ويو آهي. گرمي سبب شهر ۾ معمول کان گھٽ ٽريفڪ هلي رهي آهي. ٻي طرف سکر شهر ۽ ڀرپاسي وارن علائقن ۾ گرمي ۾ اضافي کان پوء شھرين وھنجڻ لاء درياء ۽ ڪئنالن ڏانھن رخ ڪيو.