ٻٻرلوءِ:(رپورٽ: عمران مستوئي) ٻٻرلوءِ جي المدينه ڪالوني ۾ 3 گهرن کي اوچتو باھ لڳي وئي باھ لڳڻ سبب گهر ۾ پيل سمورو سامان سڙي رک ٿي ويو متاثر کلي آسمان هيٺ بي يارو مددگار مدد گار ويٺل تفصيل موجب ٻٻرلوءِ جي المدينا ڪالوني جي رهواسي پورهيت گل حسن شيخ، محمد نواز ۽ اياز شيخ جي ڪکاوين گهرن کي اوچتو باھ لڳي وئي باھ لڳڻ سبب گهر پيل نياڻي جي ڏاج سميت سمورو سامان سڙي رک ٿي ويو ان موقعي تي باھ متاثر پورهيت گل حسن صحافين آڏو دانهيندي چيو ته اسين لاب تي ويل هئاسين ته پويان خبر ملي ته اوهانجي گهر کي باھ لڳي وئي آهي ۽ جڏهن گهر پهتاسين ته گهر اندر پيل بسترا کٽون پکا ۽ نياڻي جي ڏاج سميت سمورو اله تله سڙي رک ٿي چڪو هو هنن تڪ جي چونڊيل نمائندن ايم اين اي سيد نفيسا شاھ اڳوڻي وڏي وزير سيد قائم علي سميت ڊي سي خيرپور ۽ ٻين سرهندي وارن کان مالي مدد جي اپيل پڻ ڪئي آهي
