(پ-ر) ناري فائونڊيشن سکر پاران آواز فائونڊيشن پاڪستان ، وي-ايس-او پاڪستان ۽ يو-ڪي-ايڊ جي گڏيل سهڪار سکر جي مقامي هوٽل ۾ ايجوڪيشن چيمپئن جي ٽي ڏينهن وارو تربيتي ورڪشاپ ٿي گذريو. ورڪشاپ دوران ناري فائونڊيشن جي انور علي مهر، آواز فائونڊيشن پاڪستان جي محروز يونس ۽ وي ايس او پاڪستان جي ندا بتول ۽ ميرافضل، ناري فائونڊيشن جي نيشنل والٽيئرس حيدر علي مهر ۽ رابعه ڦلپوٽو، ايجوڪيشن ڊپارٽمينٽ جي ڊسٽرڪٽ آفيسر عبدالماجد بلو، آفيس سپريڊنٽ عبدالحمید مهر ۽ شازي عباسي چيو ته ھن پروجيڪٽ تحت سکر جي مختلف اسڪولن ۾ ٻارن کي محفوظ رھڻ، موسمي تبديلي، تعليم ,حساب ۽ ڪتاب جي بابت ڄاڻ ڏيڻ سان گڏوگڏ شاگردن ۽ شاگردياڻين کي ڪهاڻين ذريعي وڌيڪ ڄاڻ ڏني ويندي ته جيئن اسڪولن اندر ٻارن جي حاضري ۽ معياري تعليم کي ممڪن بڻائي سگهجي, ورڪشاپ کي خطاب ڪندي وي ايس او پاڪستان جي فيميل ٽرينر ندا بتول چيو ته ھن پروجيڪٽ تحت ناري فائونڊيشن سکر ۽ آواز فائونڊيشن پاڪستان سان گڏجي سکر ۾ مختلف سرگرميون ڪيون وينديون ته جيئن شاگردن جي پڙهڻ ۾ دلچسپي وڌي ۽ اھو ڪم ھتان جا ايجو ڪيشن چيمپئن ئي بھتر نموني ڪري سگھن ٿا, ايجو ڪيشن ڊپارٽمينٽ جي عبدالماجد بلو چيو ته جيڪو به ادارو سکر ۾ ايجوڪيشن جي بھتري لاء ڪم ڪندو اسان جو ان سان مڪمل سھڪار رھندو ـ آخر ۾ ناري فائونڊيشن پاران شرڪت ڪندڙن ۾ سرٽيفڪيٽ پڻ ورھايا وياـ
