ملڪ ۾ جاري گرميءَ جي سخت لهر کي نظر ۾ رکندي اڊيالا جيل ۾ سمورن قيدين لاءِ خاص انتظام ڪيا ويا آهن.
جيل سپرنٽنڊنٽ اسد وڙائچ موجب، اڊيالا جيل ۾ سمورن قيدين کي ٿڌي پاڻي جي دستيابي لاءِ واٽر چلرز لڳايا ويا آهن.
جيل سپرنٽنڊنٽ موجب، گرميءَ جي شدت ۾ واڌ سبب سمورن قيدين کي ايئر ڪولرز ڏنا ويا آهن، قيدين جي بيرڪس ۾ ايگزاسٽ فينز به لڳايا ويا آهن ۽ سمورين قيدين جي ڪمرن ۾ پکن جي مرمت پڻ ڪئي وئي آهي.
اڊيالا جيل جي سپرنٽنڊنٽ موجب، جيل ۾ هيٽ اسٽروڪ يونٽ به قائم ڪيو ويو آهي جنهن ۾ 24 ڪلاڪ ڊاڪٽر دستياب هوندا، قيدين کي ڏينهن ۾ ٻه ڀيرا لسي ۽ ليمي جو پاڻي ڏنو پيو وڃي.
جيل سپرنٽنڊنٽ ٻڌايو ته پي ٽي آءِ باني، بشريٰ بي بي ۽ شاهه محمود قريشي کي به سهولتون ڏنيون ويون آهن.
